God sommar!

Sommaravslutninga vart diverre avlyst, men sommaren er likevel i gong. I juli vil det nok vere veldig stille frå oss, men i august er me i gong igjen.

Sjølv om me tek sommarferie er det ofte likevel aktivitet på tysdagar på Tussa eller folk som trenar gjennom sida til Fonna Hundebane eller Fellestrening med hund på Facebook. Du finn informasjon om dei ulike sidene under fana til trening og aktivitetar og under treningsbana i Fonna.

Påmelding for kvalpekurs vil opne i slutten av juli. Datoar er allereie satt. Sjekk ut dette under kurs.

Me minner om å passe på hund i bil dersom sola kikar fram, og generell god framferd dersom me skulle få varme og fint vêr.

Med dette vil me ynskje alle våre medlemmar ein riktig god sommar!

Sommer kommer, sommer kommer..

 

Juni er i gong og det er litt planar i klubben. Komande tysdag, 5. Juni, skal me ha open dag i Fonna frå 18.00. Dette betyr at alle som vil, medlem eller ikkje, kan kome å få prøve seg på agilityutstyret, prøve rally, eller prate med instruktørane i klubben. Me håpar du tek turen å vert kjent med klubben vår!

Tysdag 19. Juni skal me ha Sommaravslutning. Denne vert også i Fonna. Den startar 18.00. Klubben stiller med pølser og brød, tilbehør og drikke. Me skal ha vår årlege sprint og ein anna spennande konkurranse for dei som vil. Håpar flest mogleg av våre medlemmar tek turen for å vere sosiale saman!

Ellers er datoane for kvalpekurset i haust sett. Sjekk under kurs for meir informasjon. Påmelding opnar i juli.

God sommar!


SNART ER NASJONALDAGEN HER – HURRA FOR 17. MAI !!

No nærmar 17. mai seg med stormskritt, ein festdag for store og små 😊 Vi har nok alle planar for denne dagen, men planlegg også slik at våre firbeinte venner får ei fin feiring!

Hunden sine sansar er mykje meir følsame enn våre, så nasjonaldagen vil for dei fleste opplevast overveldande. Det er ein dag med mykje leven, støy og store folkemengder, og det vil lett kunne bli for mange og ulike inntrykk. Mange hundar blir skremte og reagerer med stress, noko som har negative innverknad på helse og velvære for hunden. I dei aller fleste tilfella har hunden best av å få vere heime på 17. mai, dette er ikkje rette dagen for å sosialisere hunden.

Hundeklubben vel å følgje råd som blir gitt i frå m.a Mattilsynet og Dyrevernalliansen om å ikkje ta med hundane i tog denne dagen. Hundeklubben vil difor ikkje vere representerte i Folketoget i Ørsta og Volda!

Les gjerne linkane under, der får du meir informasjon + tips og råd for ei fin 17.mai feiring for hunden.

Mattilsynet: https://www.mattilsynet.no/dyr_og_dyrehold/kjaledyr_og_konkurransedyr/hund/gi_hunden_en_god_17_mai.29427

Dyrevernet:
https://www.dyrevern.no/andre_dyr/familiedyr/gi-dyrene-en-fin-17mai-feiring

Skrive av Ragnhild Jansen Rindal

 

Mai er her!

Denne månaden kom både Saga frå Åshild Tuvik Kleppe inn og Heierås Draco av Anne Dagrunn Ose inn. Begge bileta var så vårlige at dei vart tekne med!

Våren er i gong og Fonna er endeleg nokolunde i drift. Komande tysdag, 8. Mai, tek me ein dugnad for å få ut agilityutstyret. Me startar 18.30. Det er fort gjort om me er litt folk.

Ellers går tysdagstreningane av gårde og kvalpekurset er snart ved vegs ende.

Nyt våren!

April og vel overstått påske!

Månadens hund er Bonnie of Bella sendt inn av Stig-Børre Sundnes. Me håpar fleire vil sende inn bileter. Me brukar alle me får. Dersom du har sendt inn ditt bilete og det ikkje har vorte brukt må du snarleg ta kontakt!

Kvalpekurset er komt godt i gong med 22 deltakarar. Bronsemerkekurset vart diverre avlyst grunna for lite interesse, men klubben kjem til å arrangere bronsemerkeprøva i juni som er open for alle som vil prøve seg. Me håpar dette kan vere med på å skape treningsmotivasjon.

Tysdagstreningane går som vanleg og du finn oversikt over kven som er der kva tid under trening og aktiviteter. Me vonar alle får ein fin april!

Me går frå vinter til vår..

Månadens hund er Boss, sendt inn av Laila Bjørkedal. Send inn ditt bilete til hundeklubben@ovhk.com om du vil DIN hund skal pryde heimesida ein månad!

Mars byr på varmare dagar, meir dagslys og varmare sol. Starten av månaden har vist ganske mange kalde, men me veit kva veg det tek. I høve varmare dagar er det no byrja å passe betre å ha kurs igjen. Allereie til helga vert det nybyrjarkurs i rallylydigheit.

I palmehelga får me svenske Anna Larsson på besøk. På dette kurset har me no EIN plass igjen med hund. Dette er også eit fint kurs å vere observatør på. Då betalar ein mykje mindre, men lærer mykje ved å observere dei andre. Etter påske startar kvalpekurset opp. Det gjer også bronsemerkekurset. Me håpar medlemmane ynskjer å nytte høva til å gå kurs. Bronsemerkekurset er ei ypperleg fortsetting til kvalpekurset. All påmelding og meir informasjon finn de her.

Tysdagstreningane fortsett slik dei har gjort. Liste over kva tid der er instruktørar finn du her på heimesida under trening og aktivitetar. Det er også større stemning for å trene andre dagar i veka. Då vert dette ofte lyst ut gjennom sida «Fellestrening med hund» på facebook. Dette er ei side som ikkje går gjennom klubben, men som me gjerne reklamerar for for å fremje aktivitet med hund i området.

6. mars vert det årsmøte i hundeklubben. Dette vert på Bondhus Trafikkskule klokka 18.30. Sakliste og meir informasjon finn du under «hendingar»: Me håpar medlemmar som ynskjer å kome med innspel eller seie si meining møter til møtet og viser engasjement.

Nyt mars!

Tid for å melde seg på kurs!

Månadens hund denne månaden vart Junah frå arkivet vårt. Me set veldig pris på om folk kunne sendt oss bilete til å vere ein månad her på heimesida. Send på e-post eller via facebook.

Tysdagstreningane er no i full gong. Du finn full oversikt over kva tid der er instruktør her.

Me har no opna for påmelding i nybyrjarkurs/vidarekomne kurs i rallylydigheit, kurs med Anna Larsson, kvalpekurset og bronsemerkekurset. Du finn meir informasjon om dei enkelte kursa og påmeldingslenkje her.  Rallykurset er allereie 3. og 4. mars, så her lønner det seg å berre slenge seg med. Me håpar folk nyttar høve til å delta på kurs!

Ellers vil eg minne om at årsmøtet er 6. mars på Bondhus trafikkskule klokka 18:30. Du finn sakliste her.

Har du tankar om ting som du ynskjer skal skje? Eller kanskje ei tilbakemelding om noko klubben bør gjere annleis? Ikkje nøl med å kontakte oss.

Årsmøtet og kurs

Då er datoen for årsmøtet satt. Hald av tysdag 6. mars klokka 18.30. Styremøtet vert på Bondhus Trafikkskule.

SAKLISTE:

  1. Godkjenning av innkalling
  2. Årsmelding
  3. Rekneskapet
  4. Val av styre
  5. Eventuelle saker som har komt inn

Alle medlemmar kan sende inn saker til styreleiar innan to veker før møtet. I tillegg har alle medlemmar stemmerett på møtet. Vel møtt!

No har også påmeldingar for kursa denne våren opna. Ver om deg å meld deg på. Du kan velge mellom Anna Larsson kurs, kvalpekurs eller bronsemerkekurs. I tillegg håpar me å få tak i instruktør som kan halde eit nyrbyrjar og vidaregåande kurs i rallylydigheit. Så følg med.

Godt nyttår!

Månadens hund er Thareq som er Hege Lystad sin. Me har no byrja gå tom for bilete igjen. Send inn dine beste bileter. Me brukar bilete som passar til sesongen.

Tysdagstreningane startar opp att 9. Januar. Oversikt over dei andre finn du under trening og aktiviteter. Me håpar mange vert med!

No er det også snart tid for å fornye medlemskapet i klubben. Me håpar mange vil fortsette å vere medlem, og ynskjer nye hjarteleg velkomen.

Det vil opne påmelding for kurs med Anna Larsson og kvalpekurs i løpet av januar. Informasjon kjem her og på Facebook.

Desember, advent, snart jul!

Isabell Viddal har sendt oss inn dette koselege julebilete. Dette er Ronja si fyrste jul. Diverre fans ikkje bilete i større kvalitet, så de får nyte originalen her.

Tysdag 12. desember er siste tysdagstrening med instruktør i år. Då tek me ei lita uoffisiell juleavslutning med nokre peparkake og kanskje dukkar det opp litt varm gløgg. Me håpar hundar og folk tek turen til ein siste innsats med trening før jul. Etter dette er resten eigentrening fram til over nyttår. Ny liste over tysdagstreningane kjem i romjula ein gong!

Det er planlagt nokre kurs over på nyåret. Sjekk dei gjerne ut og kom gjerne med ynskjer om kurs dersom de har lyst.

Med dette ynskjer me dykk alle ei rettelig god adventstid!