LP og kvalpeshow

IMG_6569 – Kopi – Kopi

Ein gong i året, den første laurdagen i september, blir eldsjelene i klubben samla for å stelle i stand til hundeklubben si største begivenheit : kvalpeskue og lydigheit!  Vi startar tidleg på morgenkvisten, slik at alt skal vere klart til dei skuelystne, konkurransefolket og dei som «berre vil prøve seg» i ringen.  Og i år var det påmeldt 9 stk. i LP fordelt på 3 klasser, og 22 ulike raser i kvalperingen.

IMG_6594 – Kopi – Kopi

Når klokka vart 10, hadde alle rigga seg til rundt «sin» ring, klare til å delta og observere. Kaffe, vafler, brus og pølser kunne enn få kjøpt til dei som trong litt ekstra næring utover dagen.  Stemnet kunne berre starte!

 

flott kontakt :)

flott kontakt :)

Vi fekk sjå mykje flinke ekvipasjer i begge ringane, og ekstra flinke var dei komande juniorhandlarane som deltok i barn og hund :)  Fem barn hadde meldt seg på, og fekk vist fram hunden sin, etter at alle rasene hadde vore inne i ringen og fått BIR/BIM rosetten sin.

IMG_6686

Den som imponerte dommaren mest, var Amanda og hennar flat coated retriver. Vi gratulerer :)

Vi gratulerer også til premieplukkarane i LP :) Eit utvalg av dei dyktige hundane i klubben vår!

IMG_6813 IMG_6814 IMG_6809 IMG_6808

BIG og BIS skulle bli kåra etter barn&hund.  Sju ulike grupper fekk vi sjå, som alle konkurrerte om den gjeve BIS-rosetten!  Gruppe 9, selskapshund, er den gruppa med mest påmelde og derfor mest konkurranse. Og jammen stakk ikkje shih tzu’en av med Best in Show! :)

IMG_6797

BIS2

BIS2

 

lykkelig BIS3

lykkelig BIS3

Vi takkar alle påmelde, dommarane, publikum, sponsoren vår Royal Canin og vêrgudane for nok eit vellukka stemne. Kjekt for dugnadsgjengen å sjå så mange flinke og flotte hundar og folk :)

IMG_6612

Vi sjåast neste år :)

Stemnet laurdag 6. september 2014!

Startar klokka 10.00

Lydigheit og kvelpeshow vert på Utstillingsplassen i Ørsta (sjå kart lenger nede)

Agility vert i Olsvika i Ålesund i samarbeid med Sunnmøre Hundeklubb.

I Ørsta vert det BARN og HUND (Kr. 50,-). Påmeldinga skjer på staden.

Kartstevne

Det er påmeldt over 20 forskjellige raser til kvalpeshow. Alle er hjartelege velkomne til å sjå på skue. Ein fin stad å sjå på raser og få eit lite innblikk i korleis utstilling foregår. Torill Dønheim skal dømme i ringen.

Etter kvalpeskuet vert det barn og hund. Dette vil koste 50,- og påmeldinga skjer på staden. Dommaren for denne vert Hege Lystad. Det vert sjølvsagt premiering til vinnaren.

I lydigheit er det 9 ekvipasjar fordelt på klasse 1-3. Her skal Roar Holmen dømme. Ei fin anledning til å sjå på dyktige ekvipasjar utføre lydigheitsprogramma, og kanskje snappe opp nokre tips til eiga trening.

Det vert sal av lett kioskmat, kaffi og brus. Det kostar ingenting å kome inn på området.

Stevnet er sponsa av Royal Canin

.royalcanin.no_logoHP

Nye prisar agility, ny månad!

Miko, Freia og Kamots - aug 14

Denne månaden skal Miko, Freia og Kamots pryde heimesida. Bilete er teke av Hege Lystad.

Snart er det duka for det årlige stemnet i Ørsta og Volda Hundeklubb. I år har me løyst det slik at agililty vert i Olsvika i samarbeid med Sunnmøre Hundeklubb. Det vert dermed ikkje anledning å gå både lydigheit og agility på laurdagen då avstanden vert for stor. Me håpar likevel mange vil stille i lydigheit hjå oss, og ikkje minst delta på kvalpeshow.

Kvalpeshow passar for alle rasehundar mellom 4 månadar til 9 månadar. Dette er ei gyllen anledning til å prøve ut korleis det er å vere på utstilling. I tillegg er det veldig god trening for hunden.

Prisane for agility er endra til 300,-. Dei som allereie har betalt inn vil få tilbakebetalt det dei har betalt for mykje. Dersom du ikkje har meldt deg på ennå, kan du gå inn på denne linken å melde deg på med ein gong.

Vel møtt!

 

Månadens hund og kvalpekurs!

cropped-Juli2014.jpg

Denne månaden pryder dette flotte bilete teke av Hege Lystad heimesida. Me vil gjerne prøve å variere kva hundar som får vere månadens hund. Du kan hjelpe oss med dette ved å sende inn ditt eige bilete til oss på mail; hundeklubben@ovhk.com.

Eg vil også minne om at påmeldinga til kvalpekurset er opna. Informasjon om kurset finn du her.

Påmeldingsfristen for å melde seg på er 14. august, så det kan lønne seg å melde på før ein tek ferie! :-)

God sommar!

Avslutning i ØVHK – Sumar 2014

DSC_0035

Tysdag kveld klokka seks kunne alle som ville møte opp ved grusbana i Ørsta for å vere med på sommaravslutninga til hundeklubben. Veirgudane var ikkje heilt einige med oss denne dagen. Det gjekk frå regn til lett yr. Derfor søkte saueflokken seg inn under tak, slik som flokkdyr som oftast gjer.

DSC_0037

Grillen vart likevel tent opp, og dei som ville kunne legge medbrakt grillmat på. I tillegg til medbrakt hadde folk frå styret med seg litt ekstra gode ting å tygge på. Så sjølv dei som var mette etter dagens middag måtte tvinge ned litt ekstra.

DSC_0041

Etterkvart som magane var fulle var det tid for konkurranse. Fyrst ut var ei lita bane med rallylydigheit. Her vart det dømt på forskjellige handlingar. Vinnar av bana med raskast tid var Else Marie og Rocky. Mest kreative løysinga på bana var til Anette og hennar hund Norah. Heidi og Kira vann for prisen «nybyrjar». Til slutt vant Bjørg og Stasho prisen for Raskaste Disk!

Etter rally var det tid for den årlege konkurransen, sprint. Her var det mange raske hundar. Else Marie og Rocky stakk av med den gjeve 1. plassen. På andre kom Vibecke og Loke, berre eit tidelssekund bak. Bak dei kom Vibecke sin hund nr 2, Pia, og Heidi sin hund Kira likt, nok eit tidelssekund bak. Kira fekk eigen pris for seiersrunda si, medan Roe med hunden sin Grom fekk for Best i Sjarm (BIS).

DSC_0043

Her ser du dei stolte vinnarane samla. Hugs at sjølv om klubben har hatt avslutning vil der fortsatt vere folk på Tussa tysdagane.

God sommar til alle medlemmar!

Kvalpekurset er ferdig!

050

I april starta nok eit kvalpekurs i regi av hundeklubben. 17 håpefulle meldte seg på for å verte kloke og dyktige hundetrenarar. Deltakarane vart delt inn i tre forskjellige grupper med kvar sin instruktør. Instruktørane denne gongen var Hege, Else Marie og Anita. Fyrste økta var det rein teori. Nokre trudde nok me prøvde å drepe dei med kjedelige ord, utrykk og metoder, men andre forstod nok kva me skulle førebu dei til.

053

Neste økt starta me praktisk. Her var det fokus på kontakt og sitt. I tillegg måtte hundane møte instruktøren i full handtering mellom tenner, pels og til og med testiklar. Skal ein bli tatt på, så skal ein bli tatt på. Dette skulle vere med å førebu eventuelle hundar som ville brukast til utstilling.

062

Til neste økt fekk kvar ekvipasje streng beskjed om å øve heime. Korte økter, men ofte. Det er nemlig slik at det er ekvipasja sjølv som bestemmer kor mykje dei får ut av eit slikt kurs. Mest framgong får du dersom du trenar jamnt og trutt slik at det går litt framover for kvar kurskveld.

029

Vidare kom øvingar som dekk, innkalling og gå fint. Gå fint er vel ei øving me alle ynskjer sårt å få til. Her kunne kvalpeeigarane få tips til korleis ein kunne vere konkret nok, og korleis trene i kvardagen. Fokus var også å fortelje kvalpeeigarane korleis dei kunne bruke dei forskjellige øvingane i det daglege hundelivet heime.

041

Nest siste økta fekk alle smake på agility, rally-lydigheit og triksing. Dette fall godt i smak både for kvalp og eigar. Her kunne dei få inspirasjon til kva hundesport som kanskje kunne passe den enkelte. I agility såg ein mellom anna fleire eigarar som forsvann inn i tunnellen.

035

Siste gongen hadde me full oppsummering av alle øvingane. Her kartla me den enkelte hunden og snakka om framgang og vegen vidare. I tillegg hadde instruktørane med belønning til dei stolte eigarane. Ein skal nemlig belønne åtferd ein vil ha meir av.

016

Me vonar alle har hatt eit like kjekt kurs som me instruktørane har hatt. Me vil ynskje dykke lykke til vidare, og håpar å sjå dykk alle igjen. Takk for denne gong! :)

021

Foto: Hege Lystad

På tur med hundeklubben..

IMG_20140603_191655

I dag var det tur saman med hundeklubben. Turen var planlagt til å gå rundt Bjørdalsvatnet. Derfor samla alle bilane seg ved kanten av vatnet, klar til avgong. Allereie før avgong var dei fleste hundane komt ut i vatnet for å «varme opp». Veiret var mot all forventning.

IMG_20140603_191627

Det var ein lystig gjeng som sette av garde. Der var minst 12 hundar som var klare for tur saman. Dette var god trening både for eigar og hund. Sola var med oss heile vegen inn i botnen av vatnet. Der inne møtte me vår fyrste utfordring på turen; stein og jordskred.

IMG_20140603_191739

Med ein slik lystig gjeng var ikkje dette noko til utfordring. Me klatra oss over og fann att vegen på den andre sida. Det er viktig at ein får litt utfordring i kvardagen, både hund og eigar.

IMG_20140603_191333

Denne koselige trioen fann eg på ein stein. Dei hadde satt seg for å skape eit perfekt portrett for mitt kamera. I tillegg hadde dei nok også ein misjon om å samle flokken. Det fekk dei veldig fint til. Vår siste utfordring på turen var kviger. Det viste seg derimot når me kom fram til dei at dei slett ikkje var interessert i oss. Problemet var altså løyst før det byrja.

IMG_20140603_191405

Vel tilbake til start var det igjen badetid. Hundane synes nok dei fortjente dette etter å ha kava med oss folket heile vegen rundt vatnet. Fleire hundar la på svøm. Ein kunne nok lure om dei nokon gong ville kome tilbake, men eg trur dei alle var på plass då me skulle reise.

IMG_20140603_191811

Som ei avrunding av turen drog me fram litt mat. Hildegunn spanderte mellom anna pølser, og nokre prøvde seg på å gje vekk kjeks. Der var nokre lange snutar som også ville ha pølser, men me greidde å få ti oss likevel.

IMG_20140603_191435

Alle var samde om at det var ein gild tur!

Sumaren er i gong!

Då har me runda midnatt. Juni tek oss med strålande sol og varme. I høve dette vil eg minne alle om at det vert veldig fort varmt i ein bil. Hugs å ha tilgong til vatn og god lufting dersom du må ha hund i bil. Unngå å stå i sol. Dersom det er mogleg er det mykje betre å sette hunden igjen heime på dei varmaste dagane.

Månadens hund denne månaden vert Miko. Dette er hunden til Hege Lystad, som også er fotografen. Eit bilete med smaken av sommar.

Komande tysdag (3. juni) vert det felles tur rundt Bjørdalsvatnet i staden for trening på Tussa. Håper flest mogleg har lyst til å vere med ut å gå. Det er meldt fint veir, og me satsar på å få det både artig og sosialt.

Miko - jun 14

Miko – jun 14

Denne veka vert også kvalpekurset avslutta. Her håpar me deltakarane har hatt ei god oppleving og at dei har lyst å fortsette å vere aktive i klubben. Til slutt vil eg berre minne om sumaravslutninga som vert tysdag den 17. juni ved grusbana i Ørsta (mellom ungdomsskulen og stadion) klokka 18. Vel møtt, og nyt sumarveiret!

Aktivitetar no framover..

På 17. Mai vert det anledning å gå i tog under fana til Ørsta og Volda hundeklubb. I Ørsta er det oppmøte klokka 15 ved Ørsta stadion. I Volda møter ein opp ved Volda omsorgsenter klokka 1530. Alle er vel møtt å gå saman med oss med hund!

Vidare vert det ein felles tur rundt Bjørdalsvatnet den 3. Juni. For å kome eit må du køyre mot Bjørndalen, og heilt til endes til vatnet. Me møter opp ved vatnet klokka 18 og tek oss ein tur saman i staden for vanlig trening på Tussa. Ta gjerne med mat, stol, drikke, hund og ikkje minst godt humør. Dette vert sosialt!

Den 17. Juni vert det sumaravslutning i Hundeklubben. Denne starter klokka 18 ved grusbana i Ørsta. Ta med deg hund og grillmat. Ta og med stol. Det vert ymse aktivitetar og god stemning. Vel møtt!